The Wonderful Wizard of Oz (eða Galdrakarlinn í Oz á íslensku) er skáldsaga fyrir börn eftir bandaríska rithöfundinn L. Frank Baum. Hún kom fyrst út árið 1900, myndskreytt af W. W. Denslow. Sagan hefur margsinnis verið endurútgefin, oftast undir titlinum The Wizard of Oz. Hún hefur einnig verið sett upp á leiksviði og gerð að kvikmynd sem fræg er orðin. Sagan er ein sú þekktasta af bandarískum bókmenntum og hefur verið þýdd á fjölmörg tungumál. Baum skrifaði svo þrettán sögur í viðbót um Oz í framhaldi af þeirri fyrstu.

Hér segir frá ungri stúlku að nafni Dórótea, sem verður fyrir hvirfilbyl ásamt hundinum sínum Tótó og lendir í töfralandinu Oz.